မြန်မာ့သမိုင်း တာရိုးများ၊ ကျိုးသွားလေပြီလား(၃)။

ယနေ့ လက်ရှိအခြေအနေတွင် မြန်မာပြည်တွင်းရှိပြည်သူလူထု၊ အတိုက်အခံနိုင်ငံရေး အင်အားစုများ၊ တိုင်းရင်းသား လက်နက်ကိုင်အဖွဲ့ အစည်းများ၊ နိုင်ငံရပ်ခြား ကမ္ဘာ့တိုင်းပြည်များသို့  အကြောင်း အမျိုးမျိုး ဖြင့်ရောက်နေကြသူများ- နိုင်ငံရေးသမား၊ နိုင်ငံရေးလှုပ်ရှားသူများ နှင့်သာမန်လူများ အပါအဝင်နှင့် နိုင်ငံခြားတိုင်းပြည်များမှ လူတော်တော်များက မြန်မာနိုင်ငံရဲ့ လက်ရှိကြုံတွေ့ နေရတဲ့ ပြသနာတွေ သည် မြန်မာ့တပ်မတော်ကြောင့်ဖြစ်သည်။ မြန်မာ့တပ်မတော် တွင်သာတာဝန်ရှိသလို အပြစ်ဟူ သမျှ ကို မြန်မာ့တပ်မတော်အပေါ် လုံးလုံးလျားလျား ပုံချလို ကြ၏။ ပုံချနေကြ၏။ သို့ ဖြစ်ရာ ၁၉၄၈-၂၀၁၁ ထိ အုပ်ချုပ်ခဲ့သော မြန်မာနိုင်ငံအစိုးရများ အကြောင်းကို မလေ့လာမီ၊ လွန်ခဲ့သော နှစ်ပေါင်း တထောင် ပုဂံအနော်ရထာမင်း လက်ထက်မှ စ ၍ ပါတော်မူရရှာသည့် ကုန်းဘောင်ဆက် သီပေါမင်း အထိ မြန်မာဘုရင်များ လက်ထက် ကအခြေအနေကို အနည်းငယ် ဆွေးနွှေးလိုပါ၏။ 

ထိုသမိုင်းမှာ

မြန်မာ့သမိုင်း - ပထမမြန်မာနိုင်ငံတော်။

(၁) ၁၀၄၄-၁၀၇၇ အနောင်ရထာမင်း သည် ပထမမြန်မာနိုင်ငံတော်ကို တည်ထောင်ခဲ့၏။ ရခိုင်ပြည်ကို ကျန်စစ်သား၏ မြစေတီ (မရစေတီ) ကျောက်စာဖြင့် ကျော်စောထင်ရှားခဲ့သော၊ ရာဇကုမာရ် ခေါ် ဇေယျခေတ္တရ က နယ်စားအဖြစ်ြဖင့်အုပ်ချုပ်ခဲ့၏။ ကျန်စစ်သားမင်း သည် တရုတ်ပြည် ခေါ် စိန့် တိုင်း (စိန= Cina အင်ဒီးယားစကား၊ပါလိ နှင့် ဘန်ဂါလီစကားဖြစ်၏။) သို့  သံတမန် စေလွှတ်ခဲ့၏။ တရုတ်အင်ပါယာ ဘုရင်က မြန်မာပြည်ကို ဗရာမာ = Brahma အင်းဒီးယားနိုင်ငံ ဟု အသိအမှတ်ပြုခဲ့ ပေသည်။ ဤအချက်ကို ထောက် ၍ မြန်မာနိုင်ငံ သည် ထိုအချိန် အေဒီ ၁၁ ရာစုကပင် အချုပ်အခြာ အာဏာပိုင်စိုးပြီး နယ်မြေအတိုင်းအတာ တခုကို ပိုင်ဆိုင်သောနိုင်ငံဖြစ်ခဲ့သည်ကို အငြင်း ပွားဖွယ် မရှိပေ။  ထိုပထမမြန်မာနိုင်ငံနယ်နမိတ်ထဲမှာ မွန်တို့ ဌာနေ ရာမည အပါအဝင် အောက်မြန်မာပြည် တခုလုံးနှင့် ရခိုင်တပြည်လုံးပါဝင် ခဲ့ပေသည်။ 

ဤအချက်ကို ကရင်၊ မွန် နှင့် ရခိုင် တိုင်းရင်းသားတို့ ငြင်းရန် အကြောင်း မရှိပါ။

သမိုင်း အထောက်အထားများ ကို ရှေ့ တွင် တင်ပြပြီးသော စာတန်းများတွင် ဖတ်ရှုတော်မူကြပါ။

ဤ ကား မြန်မာ့သမိုင်း တာရိုး တခုဖြစ်၏။

Prof. G.H. Luce က ထို မြန်မာ့သမိုင်း တာရိုး အတွင်းမှာ သမိုင်းမြေမြှပ်မိုင်းဗုံးများ နှင့်အလားသဏ္ဌာန်တူသော ဒွိဟဖြစ်စရာ၊ ထင်ယောင်ထင်မှားဖြစ်စရာ၊ အငြင်းပွားစရာများ စိတ်ကူးယဉ်ဆန်ဆန် fiction ဟုခေါ်သော မရေမရာအကြောင်းများကို အထောက်အထားမရှိဘဲ မြန်မာ့သမိုင်းတွင် ထည့်ရေးခဲ့၏။ ထိုကဲ့သို့ သော အကြောင်းချင်းရာများကို စာရေးသူက သမိုင်းမြေမြှပ်မိုင်းဗုံးများဟု ခေါ်ပါသည်။ ယခုခေတ် ရှေ့ မမီ နောက်မမီ ဘလော့ဂါ တချို့  ဥပမာ ပီကေ၊မသက်ဇင် စသူများက အမှားများကို အမှန်အဖြစ်ယူကာ အင်တာနက်တွင် ရေးသား ကြသည့်အခါ  အဆိုပါ သမိုင်းမြေမြှပ်မိုင်းဗုံးများကိုဖောက်ခွဲလိုက်သည့်အလား   မြန်မာ့သမိုင်း တာရိုး များ  ကျိုးပေါက်လေတော့၏။ ဥပမာတခုမှာ Prof. G.H. Luce ၏ “မြန်မာအစ ကျောက်ဆည်က” ဆိုသည့် အထောက်အတား မခိုင်လုံသော စိတ်ကူးယဉ် တခုဖြစ်၏။

ဘာကြောင့် Prof. G.H. Luce စိတ်ကူးယဉ်ပါသလဲ။ ဘယ်သူ့ အကျိုး အတွက်ဖြစ်သလဲ။ အကျိုးဆက်ကတော့ ကျန်စစ်သားမင်းသည် အနော်ရထာမင်းကြီး၏ သားဖြစ်ပါလျက်နဲ့  မဟုတ်သယောင်ယောင်ရေးခဲ့၏။ သို့ ဖြစ်၍  “ကျန်စစ်သား” အမည်ရှိ ရုပ်ရှင်မှာ ကျန်စစ်သားမင်းသည် အနော်ရထာမင်းကြီး၏  သားမဟုတ်ဟု တင်ပြ၏။ အမှားများကို ထပ်ကာတလဲလဲ ရေးကြပြောကြသည့်အခါ နှောင်းလူ တို့ က အမှားကို အမှန်ဟု ထင်လာကြတော့၏။ ဤသို့ ဖြစ်ခြင်းကို မြန်မာ့သမိုင်း တာရိုး ကျိုးပေါက်သည်ဟု ဆိုရပေမည်။

 

မြန်မာ့သမိုင်း - ဒုတိယမြန်မာနိုင်ငံတော်။

ဒုတိယမြန်မာနိုင်ငံတော် ကို တည်ထောင်ခဲ့ကြသော မြန်မာ-ဗမာ ဘုရင်များမှာ မင်းကြီးညို (အေဒီ ၁၅၄၉-၁၅၃၀) နန်းသက် ၄၅နှစ် (အေဒီ ၁၄၅၉-၁၅၃၀)နှင့် သား တပင်ရွှေထီး (အေဒီ ၁၅၁၆-၁၅၅၀) က အေဒီ၁၅၃၀ တွင် နန်းတက် ၍ သားမက် ဘုရင့်နောင် ကျော်ထင်နော်ရထာ( ၁၅၁၆-၁၅၈၁) အေဒီ ၁၅၅၀ ခုနှစ်တွင် နန်းတက်ခဲ့သည်။ မင်းကြီးညို သည် စီးချင်းထိုးရာတွင် လူစားမထိုးဘဲ သူကိုယ်တိုင် စီးချင်းထိုး သည်ဟု သမိုင်းတွင် တွေ့ ရ၏။

ဤအချက်က မင်းကြီးညို ၏ သတ္တိ၊ လက်ရုံးရည်၊ နှလုံးရည် နှင့် ခေါင်းဆောင်မှု အရည် အချင်း ကိုပြ   ပေသည်။ သို့ ဖြစ်၍လည်း ဗြိတိသျှနယ်ချဲ့ အစိုးရ အလိုတော်ရိ သမိုင်းဆရာတို့ က မင်းကြီးညို သည် ရန်စွာကာ နယ်ချဲ့ လိုသူဟု အမနာပ ရေးခြင်း ဖြစ်တန်ရာ၏။

   ဘုရင့်နောင် မင်းကြီးက ဒုတိယ မြန်မာနိုင်ငံတော်ကို တည်ထောင်ခဲ့ပါသည်။ ဤ ဒုတိယ မြန်မာနိုင်ငံတော် ၏ နယ်နမိတ်သည်လည်း နိုင်ငံတကာ သမိုင်းမှတ်တမ်းများတွင် ရေးမှတ် ထားကြ သဖြင့် ခိုင်မာသော အထောက်အထားများရှိပြီးဖြစ်၏။ ဒုတိယ မြန်မာနိုင်ငံတော်၏ မြေပုံကို ရှုပါ။

 

                   Courtesy of Google: Map of Taungoo Empire(1580)

ဒုတိယမြန်မာနိုင်ငံတော်ကို တောင်ငူအင်ပါယာ = Taungoo Empire ဟုလည်းခေါ်ကြ၏။ မင်းကြီးညိုတည်ခဲ့သည့် တောင်ငူနန်းတော် နှင့်နေပြည်တော်ကို အစွဲပြု ခေါ်ခြင်းဖြစ်ပေသည်။ ဘုရင်နောင်မင်းတရားကြီး သိမ်းသွင်းခဲ့သောဒုတိယမြန်မာနိုင်ငံတော် ပိုင်နက်နယ်နမိတ်မှာ ကျယ်ဝန်းလှ၏။ အာသံပြည်နယ်၊ ယိုးဒယား၊ လာအိုနှင့် ခမာနိုင်ငံနယ်စပ်ထိရောက်၏။ ဤသည်မှာလည်း အငြင်းပွားဖွယ်မရှိ အောင် ကမ္ဘာ့သမိုင်းတွင် မှတ်တိုင်များရှိ၏။ 

                                             တပင်ရွှေထီး 

            Photo Source : Courtesy of Google. Credit Maung Maung Oo

                                            ဘုရင်နောင်

                              Photo Source : Courtesy of Google

ဘုရင်နောင်ကို ယိုးဒယားသျှမ်းလူမျိုး၊ ယခုထိုင်းနိုင်ငံသားများက ချစ်မြတ်နိုးကြ၏။ ကြည်ညိုလေးစားကြ၏။ ဘာကြောင့် သူတို့ နိုင်ငံ စစ်တိုက်အောင်မြင်ခဲ့ပြီး ယိုးဒယားနိုင်ငံကို မြန်မာနိုင်ငံနယ်နမိတ် အတွင်းသွင်းကာ မြန်မာလက်အောက်ခံအဖြစ် သိမ်းသွင်းခဲ့သော ဘုရင်နောင်မင်းတရားကြီးကို သူတို့  ယိုးဒယားပြည်သားများက ချစ်ခင်ကြည်ညိုလေးစားကြတာ ဖြစ်ပါသနည်း။

ဘုရင့်နောင်သည် သူရ သတ္တိ ရှိ၏။  စစ်ပရိယယ်ကြွယ်ဝ၏။ တိုက်ရည်ခိုက်ရည်ရှိ၏။ ဥာဏ်ပညာကြီးမားသည့် နိုင်ငံရေးခေါင်းဆောင်လည်းဖြစ်၏။ ရုပ်ရည်ရူပကာလည်း ချောမော၏။ ရုတ်ရင်းကြမ်းတမ်းသူ မဟုတ်ခြင်းမှာလည်း  ချစ်ခင်စရာဖြစ်ခဲ့၏။ နောက်တချက်က ဘုရင့်နောင်မင်းတရားကြီး ကိုယ်တိုင် ကမ်ဘုဂျ (Kambuj) ခေါ် ကမ္ဘောဇ (ဝါ) သျှမ်း အနွှယ်ပင် ဖြစ်သောကြောင့် ဟုဆိုရပေမည်။ ဘုရင့်နောင်မင်းတရားကြီး သည် ပဂိုး(ပဲခူး) ဟံသာဝတီကို “ကမ္ဘောဇ သဓီ ” ဟုမှည့်ခေါ်ခဲ့ခြင်းကြောင့် ဤ  သို့ ယူဆရခြင်းဖြစ်ပါသည်။

   ယခင်က စာတန်းတစောင်တွင် သျှမ်း ခေါ် ကမ္ဘောဇလူမျိုး (Kambuj tribe) တို့ ၏ မူလဘူတ ဇာတိမြေမှာ ယခု အာဖဂံနစ်စတန်နိုင်ငံ တောင်ပိုင်းရှိ “ ပါမီရ်အသေး (ဝါ) ပါမီရ်ငယ် = Little Pamir ”  ဖြစ်ပါ၏။ ကျွှန်တောင်တို့  ဝန်ဇင်းမင်းရာဇာ  စာမျက်နှာတနေရာတွင် တင်ပြခဲ့သည့် အတိုင်း မြန်မာနှင့် မြန်မာပြည်တွင်းက သျှမ်းများနှင့် ယိုးဒယားသျှမ်း တို့ မှာ မိဘမျိုးရိုး တခုတည်းဖြစ်သော  ကမ္ဘောဇ(Kambuj) တို့ က ဆင်းသက်ခဲ့သဖြင့်၊ အနောက်တိုင်း ကိုလိုနီ အစိုးရများ၏ လူမျိုးရေး ခွဲခြားရန်တိုက်ပေးသည့် သမိုင်းများကို လစ်လျူရှု ပယ်ချ ပြီး ယိုးဒယားသျှမ်းတို့ က ဘုရင့်နောင်မင်းတရားကြီး ကို “ အရပ်ဆယ်မျက်နှာကို အောင်မြင်သည့် အင်ပါရာ ဘုရင်ကြီး-   (Phu Chana Sip Htit - Conqueror of the Ten Directions.) ဟုပင် ဂုဏ်ပြုတင်စား ခေါ်ခဲ့ကြပါသည်။ ယိုးဒယားတွင် အင်မတန် ခေတ်စားသည့် သီချင်းတပုဒ်ကို နားသောတ ဆင်ကြည့်ကြပါ။ Hla Oo’s Blog ကိုလည်း သွားလည်ကြပါ။

ဘုရင့်နောင်မင်းတရားကြီး 

အောက်ဖော်ပြပါ လင့်ခ် ကိုနှိပ်ပြီးဖတ်ပါ။

တပင်ရွှေထီး ဘုရင့်နောင်နှင့် ဒုတိယမြန်မာနိုင်ငံတော် 

 ဤ ကား မြန်မာ့သမိုင်း တာရိုး နောက်တခုဖြစ်၏။

မြန်မာ့သမိုင်း - တတိယမြန်မာနိုင်ငံတော် ။

အလောင်းဘုရား (အေဒီ ၁၇၅၂- ၁၇၆၀)

တောင်ငူမင်းဆက် ခေတ်နှောင်းပိုင်းမှာ အောက်မြန်မာပြည်က မွန်-သျှမ်းတို့ က အင်းဝ နေပြည်တော် အထိ  ချီတက်တိုက်ခိုက်ခဲ့ကြသည်။ မွန်ခေါင်းဆောင် ဦးအောင်လှ ဆို၏။ အင်းဝ စစ်ရှုံး ၍  မွန်တို့ ၏ဖျက်ဆီးခြင်းကိုခံခဲ့ရ၏။ လူသူများလည်းသေကြေပြက်စီးခဲ့၏။

   ထိုအခါ မုဆိုးဖို ရွာသူကြီး ဦးအောင်ဇေယျ ခေါ် Jaya (ဂျာယား) ဆိုတဲ့ ကုလားကြီးက ဝါးရင်းတုတ်ကိုင် တပ်ဖွဲ့ များကို စတင်ဖွဲ့ စည်းပြီး ပြန်လှန်တိုက်ခိုက်ရန် လူသူစုဆောင်းခဲ့သည်ဟု မှတ်ခဲ့ဘူး၏။ ထို့ နောက် ဦးအောင်ဇေယျ၊     သားတော် နောင်တော်ကြီး နှင့် နောင် ဆင်ဖြူ့ ရှင်    ဖြစ်လာမည့် မြေဒူးမင်းတို့  ကအောက်မြန်မာပြည်နှင့် ယိုးဒယားကို အခက်အခဲများစွာ၊ ခုခံတိုက်ခိုက်မှု များစွာ ကိုကျော်လွှား မြန်မာ့တပ်မတော်မှ တပ်သားများ၊သွေးသောက်တပ်မှူးများ အသက်သွေးနှင့် ရင်းပြီး မြန်မာနိုင်ငံ၏ အချုပ်အခြာ အာဏာကို ပြန်လည်တည်တန့် ခိုင်မာအောင် ဦးအောင်ဇေယျ က တိုက်ခိုက်သိမ်းသွင်း ခဲ့ရခြင်းဖြစ်၏။ ဤသို့ တည်ထောင်ခဲ့သည့် နယ်နမိတ်ကို တတိယမြန်မာနိုင်ငံ တော် ဟု  ခေါ်တွင်ခဲ့၏။ ဤသည်မှာလည်း သမိုင်းမှတ်တိုင်ဖြစ်ပေသည်။
 ဆင်ဖြူ ရှင် မြေထူးမင်း၏ စွမ်းဆောင်ချက်များမှာ ယနေ့ ခေတ် မြန်မာ-ဗမာ တို့ အတွက်လွန်စွာ ကျေးဇူးကြီးလှ၏။ မွန်အမျိုးသားတို့  စဉ်းစားနားလည်ကြရန် လိုပေသည်။ အလောင်းမင်းတရားကြီး ဦးအောင်ဇေယျ နှင့် ဆင်ဖြူ  ရှင်မြေထူးမင်းတို့ မစွမ်းဆောင်ခဲ့ကြ လျှင် မြန်မာနိုင်ငံ နှင့် မြန်မာ-ဗမာ ဆိုတာ ဒီကနေ့  ရှိမည်မဟုတ်ပေ။ 

မင်းကိုယ်နိုင်၊  မြန်မာဘုရင်မင်းများကို မပြစ်မှားကောင်းပေ။ ဒီဘုရင်များ တည်ထောင်ထားခဲ့ တဲ့ မြန်မာနိုင်ငံမှာ မောင်ရင် လူဖြစ်ခဲ့ရတာကို သတိချပ်ပါ။

အောက်ဖော်ပြပါ လင့်ခ်ကို နှိပ်ပြီး ဆင်ဖြူ ရှင် မြေထူးမင်း အကြောင်း သမိုင်းကောင်းကို ဖတ်ပါလေ။

ဆင်ဖြူ ရှင် မြေထူးမင်း  

ဟိန်းဇေ-ယိုးဒယားမြန်မာစစ်ပွဲများ [Click] 

ယခုအခါ မြန်မာ့ တပ်မတော် တွင် ဆင်ဖြူ ရှင်မြေထူးမင်း ကဲ့သို့  ပြည်ပရန်ကော ပြည်တွင်းရန်ကိုပါ တချိန်တည်း တိုက်ခိုက်အောင်နိုင်သူ မည်သူ ရှိပါ သနည်း။ ၁၉၅၀ မှ ၁၉၆၀ ကြား တွင် ဗိုလ်ကျော်ဇော နှင့် အချို့  တပ်မှူး ဗိုလ်မှူးများကား ရှိ၏။ မည်သူ၏ ဦးဆောင်မှု ဖြစ်ခဲ့ပါသနည်း။ စဉ်းစား အဖြေရှာပါ။

ဒီနေရာမှာ Jaya ဆိုတဲ့ Sanskrit စကား အနက်ကို အနည်းငယ် ရေးပါမည်။ Jaya or Jayam ၏ အနက်မှာ အောင်မြင်ခြင်း၊ အောင်မြင်သူ လို့ ဖြစ်ပါတယ်။ နာမည်ဆို ရင် ယောက်ျားလေး ဇေယျ = Jaya  Victor ။ အင်းဒီးယန်း= ကုလားတွေကျ မိန်းကလေးနာမည်လည်း Jaya လို့ မှည့်ခေါ်တော့ Victoria ပေါ့။ အောက်ဖော်ပြပါ ကောက်နှုတ်ချက် ကို ဖတ်ရှုပါ။

Jaya (Sanskrit) [from the verbal root ji to conquer] Conquering, winning, victorious. As a noun, conquest, victory, hence a favorite proper name, applied to gods and goddesses, Arjuna, the sun, etc.  

Jaya-indriyanam is a philosophical term meaning victory over or restraint of the senses.

Dictionary source: Rakefet
More: English to English translation of jaya 

အပြည့်အစုံကို အောက်ဖော်ပြပါ လင့်ခ် ကိုနှိပ်ပြီးဖတ်ပါ။

  Jaya in English 

သို့ ဖြစ်ရာ"ဇေယျ" မှာလည်း အောင် ပင်ဖြစ်၍  "အောင်ဇေယျ " မှာ "အောင်အောင် " ဟု အနက်ထွက်၏။

ဤသည်မှာလည်း  မြန်မာ့သမိုင်း တာရိုး နောက်တခုဖြစ်၏။

      မည်သူမဆို မြန်မာနိုင်ငံသားဖြစ်ပါက အထက်ပါ တင်ပြခဲ့သည့် ပထမ၊ ဒုတိယ နှင့် တတိယ မြန်မာနိုင်ငံတော်များနှင့် အချုပ်အခြာအာဏာပိုင် နယ်နမိတ် တို့ ကို လက်မခံ ဘူးဆို လျှင် မိမိကိုမိမိ မြန်မာနိုင်ငံသား ဟု ခေါ်နိုင်ပါမည်လော။ စဉ်းစားဆင်ခြင်ကြည့်ပါ။

သို့ ဖြစ်ရာ ဤနယ်နမိတ်နှင့် အချုပ်အခြာ အာဏာကို ထိပါးလာခဲ့ရင်၊ ဘယ်ခေတ်မှာဘဲဖြစ်ဖြစ် ဘုရင်ဘဲဖြစ်ဖြစ်၊ စစ်ပြီးခေတ် အစိုးရများဘဲဖြစ်ဖြစ် အဲဒီနယ်နမိတ်ကို ကာကွယ်ရပါလိမ့်မည်။ ဤတာဝန်သည် အလိုအလျှောက် မြန်မာ့တပ်မတော်၏ ပခုန်းပေါ်မှာရှိသည်မှာလည်း ကမ္ဘာ့ နိုင်ငံအသီးသီး ၏ အပြည်ပြည်ဆိုင်ရာ နားလည်မှုပင်ဖြစ်ပါ၏။  ဤသို့ ဆိုပြီးကား၊ ကုန်းဘောင်ခေတ် ဘုရင်များက အာသံ၊ မဏိပူရ နှင့် ရခိုင်ဒေသ ကို အချုပ်အခြာအာဏာကို ထိန်းသိမ်းရန် ပုန်ကန်ခြားနားသူများကို စစ်အင်အားဖြင့်တိုက်ခိုက် နှိမ်နင်း ခြင်းမှာ မြန်မာ-ဗမာ တို့  က ရန်စွာခြင်း မဟုတ်ပေ။ မိမိ ပိုင်နက် နယ်မြေများကို ကျူးကျော်ဝင်ရောက်ခြင်း၊ မြန်မာနိုင်ငံတော်ကို သစ္စာ ခံသည့် နယ်စားပယ်စားများကို သွေးထိုးကာအားပေးခြင်း ၊ နာမည်ခံစီးပွားရေး ကုမ်ပဏီအမည်ဖြင့် ဝင်ရောက်နှောက်ယှက်ခြင်းများကို၊ မြန်မာ့- ဗမာ့ တပ်မတော်က တိုက်ခိုက်နှိမ်နင်းသည့်အခါ  ဗြိတိသျှကိုလိုနီ အစိုးရ က ပြောင်ပြောင်တင်းတင်း ဝင်ရောက် စွက်ဖက်ခြင်း များ သာဖြစ်၏။ မြန်မာ-ဗမာနိုင်ငံ၏ သယံဇာတများ နှင့် ထွက်ကုန်များကို လက်ဝါးကြီး အုပ် မောင်ပိုင်စီးလိုခြင်း၊  အချုပ်အခြာအာဏာဖြင့် နှစ်ပေါင်း နှစ်ထောင်ကျော်ရပ်တည်လာခဲ့တဲ့ နိုင်ငံ ကို သူတို့  မတရား ဝင်ရောက်  စွက်ဖက်သည့်ပြင် သမိုင်းကို  သူတို့ အလိုကျရေးကာ၊တိုင်းရင်းသား လူမျိုးစုများမှာ  သွေးချင်းများဖြစ်မှန်း သိပါလျှက်၊ သွေးခွဲပြီး ပဋိပက္ခများဖြစ်အောင် ဖန်တီးခြင်း၊

  ရေးသားခြင်း၊ ပြောင် စွက်ဖက်ခြင်းများစွာကို အထောက်အထားများ နှင့်တကွတွေ့ ရ၏။  

    ဗြိတိသျှနယ်ချဲ့ အစိုးရ အရာရှိများနှင့် ထိုခေတ်က မြန်မာ သမိုင်းဆရာကြီး တချို့ သည် မြန်မာ-ဗမာ ဘုရင်များ ရန်စွာ၊ နယ်မြေချဲ့ သည်ဟုရေး၏။ ကောက်ညှင်းက ဆန်ကြမ်းကို စီးသည်ဟု ဆိုခြင်း၊ သူခိုးက လူဟစ်ခြင်းဟု မညှာမတာ မှတ်ချက်ပြုသင့်လှ၏။ ထို့ ထက်ပိုဆိုးသည်က ယခုခေတ် မြန်မာ-ဗမာ သမိုင်းဆရာ တချို့ ကပါ မြန်မာ-ဗမာ ဘုရင်များက ရန်စွာပြီး ၊ အာသံ၊ မဏိပူရ တို့  နှင့်အောက်မြန်မာ-ဗမာပြည် မွန်ရာမညကို ဝင်တိုက်သည်ဟု ရေး၏။ မြန်မာ-ဗမာဖြစ်ပါလျှက် ဤဒေသများမှာ ဗရာမာဒေသ ခေါ် မြန်မာ-ဗမာနိုင်ငံ၏ တစိတ်တဒေသ ဆိုတာကို အဆိုပါ မြန်မာ-ဗမာ သမိုင်းဆရာကြီးများ၊ဆရာသစ်များက ဘာကြောင့် လက်မခံနိုင်ကြပါသနည်း။

  ဤအပြုအမူမှာ သမိုင်းတာကို ခိုင်မာအောင် ဆည်ဖို့ ထိန်းသိမ်းရမည့် အစား မြန်မာ-ဗမာ သမိုင်းဆရာများက ပင် ပါဝင်ကာ သမိုင်းတာများကျိုးပေါက်အောင် လုံ့ လပြုကြသည်ဟု ယူဆ ရာ၏။ စိတ်မကောင်းစရာ တွေ့ ရ၏။ အထောက်အထားများ ရှိ၏။

မြန်မာ-ဗမာဘုရင်များ၊( မွန်၊ဗမာ၊ ရခိုင်၊သျှမ်း၊ ချင်း )အားလုံး တဦးနှင့်တဦး မသင့်မြတ်သည့်အခါ စစ်တိုက်ခဲ့ခြင်းများရှိ၏။ နှစ်ဦးနှစ်ဖက် လွန်လွန်ကျူးကျူး ပြုမူခဲ့ခြင်းများလည်းရှိ၏။ မကောင်းသော အနိတ္တာရုံ သမိုင်းများ ပင်ဖြစ်၏။ ယိုးဒယား- သျှမ်းများမှာလည်း အင်ဒီးယား မှရှေးဦးဝင်လာ ခဲ့သော ကမ်ဘုဇ် (ကမ္ဘောဇ)၊ ယာဒက်ဖ်- ယာဒဝ စသည့် လူမျိုးစုများ ဖြစ် ၍  ပြူ- တရစ်ဆု (သို့ ) တာစူး (Tircul) တို့ နှင့် သွေးသားရင်းများသာဖြစ်ကြ၏။ ယိုးဒယားမင်းသမီး ဆူရိယို ထိုင်း ကို သူ့ မောင်တော် ထိုင်းမင်းသား(နောင်ဘုရင်) က ခူးဆွတ်ပေးတဲ့ ပန်းပွင့်မှာ စကားဝါပန်းဖြစ်၏။ စာရှုသူ သေချာလေ့လာ စေလိုပါသည်။ မြန်မာ-ဗမာဘုရင် နှင့် အင်းဒီးယား ဘုရင် (အရှေ့ မြောက်ဒေသမှာ အယုဒယဆိုတဲ့မျို့ တော်ရှိ၏။ ယခုတိုင်တည်ရှိဆဲဖြစ်၏။) တို့ သည် “စကားဝါ” ပန်းကို အတော်ပင်နှစ်သက်မြတ်နိုး ခဲ့ကြ၏။ ဤ“စကားဝါ” ပန်းကို ချန်ပါ (Champa) ဟုခေါ်၏။ ယနေ့ တိုင် ဤ နာမည်ဖြင့် “စကားဝါ” ပန်းပင်များ ကျော်ကြားနေဆဲဖြစ်ပါ၏။ 

သမိုင်းဆရာများ ထိုကဲ့သို့ ရေးသားခြင်းများကြောင့် ကုသိုလ်မဖြစ်မူဘဲ “အကုသိုလ်” ဆိုးကျိုး များသာ၊ များစွာဖြစ်ခဲ့၏။ ဖြစ်လည်းဖြစ်နေဆဲပါ။ 

သီပေါမင်း ပါတော်မူပြီးစ မြန်မာ-ဗမာတို့  ဗြိတိသျှကျွှန်ဖြစ်ခဲ့ရ သည့် အချိန်မှာ ဗြိတိသျှ နယ်ချဲ့  ကိုလိုနီ အစိုးရ ဘာတွေရင်ဆိုင်ခဲ့ရ သလဲ၊၊ ပြန်လည် ဆန်းစစ်ကြည့်ပါက၊ အထက်မြန်မာ- ဗမာ၊ချင်း၊သျှမ်း စသော တိုင်းရင်းသားများ ပြောက်ကျား စနစ်ဖြင့် အဖွဲ့ငယ်လေးများ တချို့  တဦးချင်း ဗြိတိသျှတို့ ကို နည်းမျိုးစုံဖြင့် တိုက်ခိုက်ခဲ့ကြ၏။ ထိုအခါ ကောက်ကျစ်စဉ်းလဲသော ဗြိတိသျှ နယ်ချဲ့ အစိုးရနှင့် အမေရိကန် ဘာသာရေးဆရာများ (Religious Mission) က ကရင်တိုင်းရင်းသားများကို ဗမာနှင့်သွေးခွဲ၊ ဘာသာရေး နှင့်လူမျိုးရေး တိုက်ပွဲအသွင် ဖန်တီးကာ သွေးချင်းများကို ရန်သူ များသဖွယ်ဖြစ်အောင်ဖန်တီးခဲ့ကြ၏။သက်သေအထောက်အထားကို အင်တာနက်တွင် Loyal Karen of Burma ဆိုသည့် စာအုပ်တွင် တွေ့ နိုင်ပေသည်။ 
အောက်ဖော်ပြပါလင့်ခ် ကိုနှိပ်ပြီးဖတ်ပါ။ 
Loyal Karens of Burma 

ထိုစဉ်က ရှေးမြန်မာ-ဗမာကြီးများမှာ အဘိရ သွေးများဖြစ်သည့် အလျှောက် ကြောက်ရွံ့ခြင်းကင်းမဲ့ခဲ့ကြ၏။  အဘိရလူမျိုးများကို နောင်တွင် အဟီးရ် (Ahir) ဟုလည်းခေါ်ကြ၏။ အဘိရလူမျိုးများအကြောင်းကို လေ့လာလိုပါက Google website တွင် Ahir ဟု ရိုက်ပြီး ရှာနိုင်၏။ အဘိရ၊အဟီး အပါအဝင် အင်ဒီးယားနိုင်ငံ အနောက်မြောက်ပိုင်းသားများမှာ တော်လှန်တိုက်ခိုက်ရာတွင် လက်နက်မပါဘဲ လက်ချည်းသက်သက်ဖြင့် တိုက်ခဲ့ကြောင်း သာဓကများ တွေ့ နိုင်ပေသည်။ ဗြိတိသျှဝန်ကြီးချုပ် ဝင်စတန်ချာချီသည် အင်ဒီးယားမြောက်ပိုင်းသားများကို သမားရိုးကျ လက်နက်ဖြင့် မနိုင် ၍  ဓာတုဗေဒ လက်နက်သုံးရန် ကြံရွယ်ခဲ့ဘူး၏။
ချာချီ ဝန်ကြီးချုပ်မဖြစ်ခင်က ရေးခဲ့သော အတွင်းစာ ကို အထောက်အထားပြုကာ သမိုင်းဆရာ တဦးကရေးခဲ့ခြင်းဖြစ်၏။ ဤ သည်ကား ဝန်ဇင်းမင်းရာဇာ ဘလောဂ် နှင့်  ဤ  စာရေးသူ မို့ ၏ အာဖော်မဟုတ်ပါ။ 

အောက်ဖော်ပြပါလင့်ခ် ကိုနှိပ်ပြီးဖတ်ပါ။

Winston Churchill wanted to gas Indian Tribes. 
 မြန်မာ-ဗမာ (တိုင်းရင်းသားများ အပါအဝင်) တို့ မှာ ဤကဲ့သို့  မဟုတ်မခံ သတ္တိထူး ရှိသူများဖြစ်၏။ ဤသို့ ဆို သည့်အတွက် ကိုရွှေမြန်မာ-ဗမာ တို့  နားထင် သွေးရောက်ကာ မိမိအစိုးရ မိမိတို့ အချင်းချင်း ရန်ပြုလိုစိတ် မမွေးကြရန် အင်မတန်မှ အရေးကြီး၏။ သတိဖြင့် ဆင်ခြင်ကြစေလိုပေသည်။ နယ်ချဲ့ရန်ကိုကာကွယ်ကြရန် စည်းလုံး   ညီညွှတ် ကြရမည်ဖြစ်၏။

  ထို့ နောက် ဆရာစံ (အညာသား က ဆေးဆရာ အဖြစ်နှင့် အောက်မြန်မာ-ဗမာ ပြည်ကိုရောက်လာခဲ့သည်။) က လယ်သမားများကို နယ်ချဲ့ အစိုးရ ဖိနှိပ်မှုကို မခံမရပ်နိုင်တော့ ၍၊ တန်ပြန်တိုက်ခိုက်ခဲ့သည်။ အဖြေက မြန်မာ-ဗမာ က အရှုံး၊နယ်ချဲ့ က အနိုင် ဖြစ်၏။ ဦးစော က ဆရာစံ ဘက်ကရှေ့ နေလိုက်ခဲ့ပြီး၊ တကြိမ်တခါမှာ ဂျပန်နှင့် ဆက်သွယ်ရန်ကျိုးစားခဲ့ သဖြင့်၊ ဗြိတိသျှ နယ်ချဲ့ အစိုးရ၏ အငြှိုးထားခြင်း ခံခဲ့ရ၏။ ဗိုလ်ချုပ်-သခင်အောင်ဆန်း နှင့် မျိုးချစ်ခေါင်းဆောင်ကြီးများ ကိုလည်း သူတို့ ၏ နေမဝင် အင်ပါယာကို ဆန့် ကျင်တော်လှန်ရကော်းလားဆိုပြီး၊ ဗြိတိသျှ နယ်ချဲ့အစိုးရက အငြှိုးအတေးထားခဲ့၏။ ရလဒ်က ၁၉၄၇ ခုနှစ် ဇူလိုင် ၁၉ ရက် မဟာ လူသတ်မှု၊ မြန်မာ-ဗမာနိုင်ငံနှင့် ပြည်သူလူထုကြီး ကို လုပ်ကြံခဲ့မှုဖြစ်၏။ တရားခံ အစစ်က ထိုခေတ် ဗြိတိသျှ နယ်ချဲ့အစိုးရ နှင့် ယင်းတို့ ၏ အလိုတော်ရိများဖြစ်၏။ မြန်မာ-ဗမာနိုင်ငံ၏ ခေါင်းဆောင်များကို သတ်ဖြတ်ခြင်းမှာ၊ တိုင်းပြည်နှင့်လူမျိုး၊ နောင်မွေးလာမည့် မျိုးဆက်သစ်များကိုပါ၊ အညွန့် တုံးအောင် ကြံရွယ်ဆောင်ရွက်ခဲ့ခြင်းဖြစ်၏။

  အဲ့ဒီနောက် ၁၉၄၈ ခုနှစ် ဇန်နဝါရီ ၄ ရက်နေ့ တွင် ဗြိတိသျှနယ်ချဲ့ အစိုးရက၊ ဖဆပလ အစိုးရကို လွတ်လပ်ရေး ပေးခဲ့၏။ ကနဦးကပင်  ထက်မြက်ပြီး သူတို့ သြဇာကိုမခံမည့်ခေါင်းဆောင်ကြီးများကို လုပ်ကြံခဲ့ပြီး၊ သူတို့ ကြိုးဆွဲ ၍ ရနိုင်မည့်သူများကိုသာချန်ထား ခဲ့သည့် အတိုင်း သူတို့ ၏ ဗြိတိသျှ စစ်တပ်က အရာရှိတချို့ ကို မြန်မာ့-ဗမာ့ တပ်မတော်တွင် ထားခဲ့၏။ ထို ဗြိတိသျှ စစ်တပ်အရာရှိတို့ သည် မြန်မာ-ဗမာ တပ်မတော်ကို လက်နက်ခဲယမ်းနှင့်ပတ်သက် ၍ အကြံပေးခြင်း၊ ဝယ်ယူခြင်းများတွင် အဓိက ကျသောနေရာတွင်ရှိခဲ့၏။ ဘယ်သူက၊ ဘာကြောင့် သူတို့ ကို ထားခဲ့သလဲ။ မေးမည်ဆိုလျှင် မေးခွန်းတော်တော်များရှိပေမည်။ တနည်းအားဖြင့် ဤလွတ်လပ်ရေးကို အတုအယောင် လွတ်လပ်ရေးဟု ခေါ်လျှင် မမှားပေ။ အဘယ့်ကြေင့်ဟူမူ၊ ဗြိတိသျှနယ်ချဲ့ တို့ သည်၊ သူတို့ ကြိုး ဆွဲရာက မည့် “ကျွှန်သဘောက်များ” ကို အရေးပါသည့် ဝန်ကြီးဌာန များကို ကိုင်တွယ် နိုင်အောင်ဖန်တီးယူခဲ့သောကြောင့်ဖြစ်၏။ 

 အေဒီ ၁၉၄၈ ခုနှစ်၊ အနှောင်းပိုင်းတွင် ကရင်တိုင်းရင်းသားများက စ ၍ ဖတပလ ပါလီမန် ဒီမိုကရေစီ အစိုးရကို လက်နက်ကိုင် ပုန်ကန်ခြားနား၏။ မွန်တို့ ကလည်း ကရင်တို့ နှင့်ပါဝင်ကာ အောက်မြန်မာ-ဗမာပြည်ကို သူတို့ အားခွဲပေးရမည်။ သီးခြားနိုင်ငံထူထောင်မည်ဟု ဆိုကာ တိုက်ပွဲဝင်ကြ၏။ နောက်ပိုင်း ကချင်တိုင်းရင်းသားများလည်း  ပါဝင်ခဲ့ကြ၏။ မြန်မာ-ဗမာပြည် မြို့ နယ်ဒေသ အများကို သူပုန်တို့ သိမ်းယူခဲ့ရာ၊ ကရင်တပ်ဖွဲ့ များ အင်းစိန်ထိ သိမ်းပိုက်နိုင်ခဲ့၏။ ဖဆပလ အစိုးရကို ရန်ကုန် အစိုးရဟု ခေါ်ခဲ့သည်ထိ ဖြစ်၏။ ဆိုခဲ့ပြီးသည်အတိုင်း မြန်မာ-ဗမာ တပ်မတော်တွင် ဗြိတိသျှ နယ်ချဲ့  အစိုးရ၏ စစ်တပ်အရာရှိများ က လက်နက်ဝယ်ယူရေးကို တာဝန်ယူကြသည်။ သို့ သော် အမေရိကန်၊ ဗြိတိသျှ နှင့် အနောက်နိုင်ငံများက မြန်မာ-ဗမာ အစိုးရကို လက်နက်ခဲယမ်း မရောင်းခဲ့ပေ။ အကူအညီလည်း မပေးခဲ့ကြပေ။ ထိုနိုင်ငံ အစိုးရများက မြန်မာ-ဗမာအစိုးရ စစ်ရှုံး စေလိုသည်မှာ အထင်အရှား ဖြစ်၏။ အရှေ့ အရပ် စိန့် တိုင်းက ပေါက်ဖော်ကြီးများမှာလည်း သူ့ ပြသနာနှင့် သူမို့ လား မသိ မြန်မာ-ဗမာ တို့ ကို မကူညီ ခဲ့ပေ။ “အရေးကြီးက သွေးနီးကြ” ဆို သကဲ့သို့  အင်းဒီးယား က မြန်မာ-ဗမာ အစိုးရကို ကူညီ ခဲ့၏။ တပ်ရင်း ၉ ရင်းစာ လက်နက်ခဲယမ်း များ ကူညီခဲ့သည်။   ရောင်းခဲ့သည်ဆို၏။ သို့ ဖြစ်၍သာ  မြန်မာ-ဗမာ တပ်မတော်က လက်နက်ကိုင် သူပုန်များကို   အောင်မြင်စွာ နှိပ်နင်းနိုင်ခဲ့ခြင်းဖြစ်၏။ { ဤအကြောင်းအရာမှာ လျှို့ ဝှက်ချက် မဟုတ်တော့ပေ။ စိတ်ဝင်စားက သိန်းဖေမြင့်ရေးသည့် “ကျော်ငြိမ်း” အမည်ရှိ စာအုပ်တွင် ဖတ်ရှုပါ။} ထိုနောက် ၁၉၅၀ ကျော်နှစ်များမှာ တရုတ်ဖြူ တို့ ဝင်လာ၏။ သူတို့ လည်း လိပ်-ကန် (အင်္ဂလိပ် နှင့် အမေရိကန်တို့ ၏ မိတ်ဆွေရင်းခြာများဖြစ်၏။ စာရှုသူ လူကြီးမင်းများ သိရှိပြီး ဖြစ်မည်ဟု ယူဆပါသည်။ အကျယ်မချဲ့  လိုပါ။

ထိုသို့ ဆိုပြီးက ယနေ့ ခေတ်အခြေအနေကို တစေ့တစောင်း ကြည့်ရှုလေ့လာကြပါစို့ ။ ပြည်တွင်း ပြည်ပမှ  မြန်မာ-ဗမာ ကော နိုင်ငံခြားသား အချို့ ကပါ ဖြစ်သမျှကို မြန်မာ့-ဗမာ့ တပ်မတော်၏ တာဝန်သာဖြစ်သည်ဟု တရားသေစွဲ ၍ အပြစ်ပုံချပေတော့၏။ ဟိုစဉ်က ဖဆပလ ပါလီမန် ဒီမိုကရေစီ အစိုးရ ကလိန်ကျပုံများ သမိုင်းတွင်၏။  တိုင်းပြည်နှင့်လူမျိုးကို သစ္စာမဲ့ကာ သူတို့ ၏ ကိုယ်ကျိုးများ သာ ရှာခဲ့ကြ၏။  ၁၉၄၈-၄၉ ခုနှစ်များက ကွန်မြူနစ်များကို သာယာဝတီထောင်တွင် အကျဉ်းချကာ ငရဲခန်းများပမာ နှိပ်စက်ညှင်းပမ်းခဲ့ခြင်းများ ကို “ကျော်သန်း၏ သာယာဝတီထောင်က ငရဲခန်းများ”

ဆိုသည့်စာအုပ် တွင်ဖတ်ရှုပါ။ မြန်မာ-ဗမာ ခေါင်းဆောင်ငယ် ထောင်ချီ ၍  (၂၀၀၀ ကျော် ၃၀၀၀) ရက်စက်စွာ နှိပ်ကွပ်ခဲ့ခြင်းဖြစ်၏။ ထို ဖဆပလ ပါလီမန် ဒီမိုကရေစီ အစိုးရ အတွင်းက တာဝန်ရှိသူများ ကို အရေးယူ အပြစ်ပေးသည် ဟု မကြားခဲ့ဖူးပါ။ တရားဥပဒေ စိုးမိုးသည့် ပါလီမန် ဒီမိုကရေစီ အစိုးရ လား။ ကမ္ဘာကြီးတခုလုံးက အတုယူရမည့် ဒီမိုကရေစီ အစိုးရ ဖြစ်ခဲ့ သလား။ ထိုခေတ် ဖဆပလ ပါလီမန် ဒီမိုကရေစီ အစိုးရ သည် ရာဇဝတ်မှုများစွာ ကို စနစ်တကျ၊ စီမံချက်ချ ပြီး ကျူးလွန် ခဲ့ခြင်း ဖြစ်၏။ ယင်း မကောင်းမှု အကုသိုလ်များကြောင့် ဖဆပလ( နောင် ပထစ) ပါလီမန် ဒီမိုကရေစီ အစိုးရ မှာ သမိုင်းတွင်စွာ ပျက်သုန်းခဲ့ရခြင်းဖြစ်၏။ သို့ ဖြစ်၍ တပ်မတော်သည် တိုင်းပြည်အုပ်ချုပ်ရေး တာဝန်ကို ယူခဲ့ ရခြင်းဖြစ်သည်ကို သမိုင်းတွင်တွေ့ရသည်။ 

ရှေးမြန်မာ ဘုရင်တို့ ၏ ရုပ်ပုံများ ရုပ်ထုများကို ကိုးကွယ်ရန် မဟုတ်ပါ။ သို့ ရာတွင် ရှေးမြန်မာဘုရင်တို့ ၏ စွမ်းဆောင်မှုများကြောင့်သာ မြန်မာနိုင်ငံသည် ကမ္ဘာ့ အလည်တွင် ထယ်ထယ်ဝါဝါ ရပ်တည် နိုင်ခဲ့ခြင်း   ဖြစ်၏။ သို့ သော် ယခုအခါ မြန်မာနိုင်ငံမှာ အင်အားကြီး နိုင်ငံ တနိုင်ငံ၏ သြဇာခံ သဖွယ်ဖြစ်နေသည်မှာ စိတ်မကောင်းစရာ ဖြစ်၏။ သမိုင်းဆရာများ သမိုင်းတာကို လုံအောင် မထိန်းခဲ့ခြင်း၊ တနိုင်ငံလုံးရှိ တိုင်းရင်းသား အားလုံး ညီညီညွှတ်ညွှတ် မရှိကြခြင်း၊ အကျင့်စာရိတ္တ ပျက်ပြား ခြစားခြင်း၊ ကိုယ့်လူမျိုး နှင့် ယဉ်ကျေးမှုများကို မိမိနှင့်သားမယား ဆွေမျိုး တသိုက်ကောင်းစားရေးကို ရှေးရှုကာ မတော်လောဘဖြင် တိုင်းပြည်ကိုရောင်းစားခြင်း၊ မြန်မာမျိုး မစစ်သူများက သမိုင်းဆရာယောင်ယောင်ဖြင့် ဆရာကြီးလုပ်ကာ ရှေးကျ လှသည့် ပုဂံက ဘုရားပုထိုးများကို ရှေးမူမပျက် ထိန်းသိမ်းထားရမည့် အစား ထီးတင်ခြင်း စသည်များ ဖြစ်၏။ ပုဂံက အပါယ်ရတနာဘုရား ဟု လူအများသိကြသည့် ဘုရား မှာ မဟာယာန ဗုဒ္ဓဘာသာဝင် ဘင်္ဂါလီမင်းသမီး အဘယရတ္တနာ - ကျန်စစ်သားမင်း၏ ပထမ ဆုံးမယား၊ မိဖရား 
 တပါးက တည်ထားကိုးကွယ်ခဲ့ခင်းဖြစ်ပါသည်။ သိုသော် အနှီလူသားတဦးက ဆရာကြီးဟန်ဖြင့် ထေရ်ရဝါရ ဗုဒ္ဓဘာသာအရ ထီးတင်ရွှေချရမည်ဟု ဆိုကာ အချို့ သောရှေးဟောင်း ဘုရားပုထိုးများကို  မှားယွင်းစွာ ဆောင်ရွက်ခဲ့ခြင်းများကြောင့် ကမ္ဘာရှေးဟောင်း အမွေအနှစ် စာရင်းမှာ ထည့်သွင်း ခွင့်မရတော့ခြင်း ဖြစ်သည် ဟုဆိုပေသည်။
သို့ ဖြစ်၍  မိမိသည်မည်မျှရာထူး ဂုဏ်ရှိန်မြင့်မားစေကာမူ ကိုယ်မတတ်ကျွှမ်းသည့်နေရာများတွင် ဝင်ရောက်စွက်ဖက်ဖြင်းမပြုအပ်ပေ၊။  ထိုသို့ ဝင်ရောက်စွက်ဖက်ခြင်းကို တားဆီးနိုင်ရန် ပညာရှင်များကို အာဏာနှင့်လုပ်ပိုင်ခွင့်များ ပေးထားရ ပေမည်။ သို့ မှသာ တတ်ယောင်ကား တို့ စွက်ဖက်ခြင်းများ၊ ရည်ရွယ်ချက်ဖြင့် သမိုင်းမှတ်တိုင်များကို ဖြောက်ဖျက်နေခြင်းများကို အောင်မြင်စွာ ဟန့် တားနိုင်ပေလိမ့်မည်။ အလေးအနက် စဉ်းစားဆင်ခြင်ကြကာ စီမံကိန်းချ ကာကွယ်မှု မပြုကြလျှင် များမကြာမီ မြန်မာနိုင်ငံ သည် ကမ္ဘာမြေပုံ ပေါ်မှ ပြောက်ကွယ်သွား ပေမည်။

ဆက်ပါဦးမည်။