Friday, March 28, 2014

ဖြေရှင်းချက်။(၂)



Myanmar Literature Talk ( Singapore ) - past and for the Future of Burma(part 2) 

မူလက ကျနော်များ လက်ရှိဖြစ်နေသော နိုင်ငံရေး အခြေအနေများနှင့် ပတ်သက် ၍ တလုံးတပါဒမျှ ပြောဆိုရေးသားလိုခြင်း မရှိသည်က အမှန်ဖြစ်ပါသည်။ အထက်ပါ ဟောပြောပွဲကို နားထောင်ပြီး မေ့ထားခဲ့ပြီဖြစ်တဲ့ အတိတ်ကို ပြန် သတိရပါသည်။ ဖဆပလ ခေတ် က တရားဥပဒေ မစိုးမိုး၊ ဒီမိုကရေစီ အမှန်မရှိခဲ့လို စာရေးသူ ၏ အဖေမှာ ပြည်သူရဲ ဋ္ဌာနာအုပ်တယောက်ရဲ့ ရက်စက်စွာ 

ရိုက်နှက် ညှင်းပမ်းနှိပ်စက်ခြင်း ကို ခံခဲ့ရ ၏။  အဲ့ဒါ ၁၉၅၅-၁၉၅၉ အတွင်း စာရေးသူ ခလေး ဘဝက ဆိုတော့ အတိအကျ မမှတ်မိနိုင်ခဲ့ပါ။ ကျုးလွန်သူက ဥပဒေဘက်တော်သား၊ ခံရသူက သာမာန်ပြည်သူတဦး မည်သူထံမှာ တိုင်ကြား အမှုဖွင့် နိုင်ပါမည်နည်း။ ထိုအခါက တရားဥပဒေ စိုးမိုးမှု လုံးဝ မရှိပါ။ အရွယ်ရောက်မှ(အမှန်ဆိုလျှင် မကြာခင် ကမှ) လေ့လာတွေ့ ရတာက ဦးကျော်ငြိမ်း ပြည်ထဲရေး ဝန်ကြီးဋ္ဌာနကို တာဝန်ယူခဲ့တယ်ဆိုတာပါ။ အာဃာတ မထားသော်ငြား အမှန်ကိုတော့ လူထု၊ အထူးသဖြင့် ခေတ်လူငယ်များ သိစေလိုပါ သည်။
နောက်တချက်မှာ တပ်မတော်နှင့် ပတ်သက် ၍ စာရေးသူ ၏အယူအဆ နှင့် ခံယူချက်ဖြစ်ပါသည်။ ဘယ်နိုင်ငံမှာဖြစ်ဖြစ် တပ်မတော်သည်  မရှိမဖြစ် ရှိရမှာဖြစ်ပါသည်။ ကိုယ်နေထိုင်ရာ တိုင်းပြည်ကို သစ္စာခံပြီး၊ ကိုယ်တိုင်းပြည်ရဲ့တပ်မတော်ကို မှန်ကန်တဲ့ဘက်က ထောက်ခံပြီး၊ လိုအပ်လျှင် တပ်မတော်မှာ တာဝန် ထမ်းဆောင် ရမယ် ဆိုတာပါ။ ထိုစဉ်က(၁၉၅၀ မှ ၁၉၆၄ခန့်ထိ) မြန်မာ(ဗမာ) နိုင်ငံတွင် ရောင်စုံ သူပုန်များ ရှိခဲ့တာ အားလုံးအသိဖြစ်ပါသည်။ အစိုးရကို ပုန်ကန်သည် ဆို သော်လည်း မကြာခဏ လူစီး ရထားများကို မိုင်းဗုန်းထောင် ဖောက်ခွဲခြင်း၊ ရထားသံလမ်းများကို ဖြုတ်ထားကာ ရထားလမ်းချော် တိမ်းမှောက် စေခြင်း၊ ရထားပေါ်လိုက်ပါလာသော တက္ကသိုလ် ကျောင်းသူများကို ဖမ်းခေါ်သွားကာ၊ တဖက်နိုင်ငံ မဖွယ်ရာသည့် နေရာမှာ ရောင်းစားခြင်းများ လုပ်ခဲ့ ပါသည်။ လူစီးရထားနှင့် ကုန်ရထား ခေါင်းခြင်းဆိုင်တိုက်အောင် လုပ်ခဲ့သည်များရှိခဲ့ ၏။
ဤမကောင်းမှုများ၊ မတရားမှုများကို တဖြည်းဖြည်းလျှော့ကျ သွားကာ ပပြောက်သွား သည့်တိုင် အကာအကွယ်ပေး ခဲ့သည်မှာ တပ်မတော်ဖြစ် ၏။ မေ့ပြစ်ရန်မသင့် သလို မေ့လည်းမမေ့နိုင်ပါ။ ဤသမိုင်းမှန်ကို လူငယ်များသိသင့်ပါသည်။ သိုဖြစ်ဤသမိုင်းမှန်ကို ရေးပြရာ တွင် မိတ်ဆွေများအားလုံး ၏ စာနာနားလည်မှုကို လေးစားစွာ ပန်ကြား အပ်ပါသည်။ မည်သူကိုမျှ မထိခိုက်စေလိုပါ။ စည်းလုံးမှုရစေလိုခြင်းကိုသာ ရည်ရွယ်ပါသည်။ စည်းလုံးမှု မပျက်စေလိုပါ။
ရိုသေလေးစားစွာ ရှင်းပြခြင်းပါ။

အင်္ဂလိပ်ဘာသာပြန်ကို ဆက်လက်ဖော်ပြပါမည်။
 

No comments:

Post a Comment